“Finalda “Qarabağ”ın heyətində daha çox Yassin Benzia hücumların mərkəzində yer aldı,
Marko Yankoviç isə “6” nömrədə çıxış etdi.
Mərkəzdə təzyiqlə üzləşəndə topa sahib olmaq və keyfiyyətli iş əmsalı aşağı düşdü. “Sabah”ın heyətində Pavol Safrankonun mərkəzə düşərək, o basqını etməsi “Qarabağ”a çətinlik yaratdı.
Xüsusilə Safranko toplu və topsuz oyundakı faydalı iş əmsalı “Sabah”ı diri saxlamaqda önəmli rol oynadı”.
Bu açıqlamalar Azərbaycan kubokunun finalına həsr edilən “Sportinfo TV”də yayımlanan verilişdə səsləndirilib.
Tanınmış jurnalist Elçin Cəfərov məşqçi Cavid Hüseynovla birlikdə həm matçdan əvvəl, həm də sonra canlı yayımda oyunu dəyərləndirib, azarkeşlər tərəfindən yazılan rəyləri oxuyub, suallara cavablar veriblər.
Verilişin rəsmi tərəfdaşı “QOLAT Sport Services & Football Agency”dir. Şirkət dövlət, özəl, fərdlər arasında futbol və digər idman yarışlarını keçirən bir brenddir.
Hədəf təşkil edilən idman yarışları ilə üzvlərin iş stressini azaltmaq, yeni əməkdaşlıqlar, dostluqlar və ən əsası daha sağlam həyat tərzini aşılamaqdır, yaşamaqdır.
Son bir ildə isə şirkətə daha bir xidmət sahəsi əlavə edilib. Bu, FİFA Agentliyi xidmətidir.
VİDEONU BU LINKƏ DAXİL OLARAQ İZLƏYİN
.jpg)
