.jpg)
Aerobika üzrə 2020-ci il dünya çempionatı Azərbaycanda keçiriləcək.
Sportinfo.az Beynəlxalq Gimnastika Federasiyasının (FIG) rəsmi saytına istinadən xəbər verir ki, bu barədə qərar qurumun İcraiyyə Komitəsinin Rusiyanın Sankt-Peterburq şəhərində keçirilən iclasında qəbul olunub.
Yarış 14 – 16 mayda Milli Gimnastika Arenasında təşkil olunacaq. Toplantıda FIG-in rəhbər postuna seçkilərin 23-25 oktybar 2020-ci ildə Türkiyənin Antalya şəhərində keçirilməsinə qərar verilib.
Orda qurumun yeni prezidenti və vitse-prezidentləri bəlli olacaq. FIG-in hazırkı prezidenti yaponiyalı Morinari Vatanabe 2016-cı ildə bu vəzifəyə seçilib.
Daha bir yenilik bundan sonra idmançıların formalarında milli federasiyaların loqolarının əksini tapması ilə bağlıdır. Formada həmçinin ölkənin bayrağı və adı olmalıdır.
FİG-in Həmrəylik Fondu yeni proqram əsasında inkişafda olan milli federasiyaları geyim dəstləri ilə təmin edəcək. Bu il 24–26 mayda Bakıda aerobika üzrə Avropa çempionatı təşkil ediləcək.
