Gənclər və idman nazirliyində dünya birinciliyində fərqlənmiş ağırlıqqaldıranlar və Avropa çempionatında uğurla çıxış etmiş boksçularla görüş təşkil edilib.
Sportinfo.az xəbər verir ki, nazir müavini İsmayıl İsmayılovun rəhbərliyi ilə keçirilmiş tədbirdə hər iki federasiyanın rəsmiləri, məşqçi və idmançılar iştirak ediblər.
Əldə olunmuş nəticələrə görə idmançıları təbrik edən İsmayıl İsmayılov əsas məqsədin Tokioda keçiriləcək yay olimpiya oyunlarına maksimum sayda lisenziya qazanmaq olduğunu deyib.
Zədələr səbəbindən dünya birinciliyinə tam heyətlə yollana bilməyən ağırlıqqaldıranlarımız 7 illik fasilədən sonra tarixi nəticəyə imza atıb.
