«Dinamo» Gənclər və İdman Nazirliyinə (GİN) müraciət edib.
II Liqada mübarizə aparan klubun planı Abşeron Olimpiya Kompleksi ilə bağlıdır.
«Polislər»in məqsədi buranın stadionunu uzunmüddətli icarəyə götürməkdir.
GİN müraciəti müsbət cavablandırarsa, arena tezliklə təmirə bağlanacaq. Futbol qurğusunda bir sıra yenidənqurma işləri aparılacaq.
İlk növbədə qazon dəyişdiriləcək. Süni ot örtüyü daha keyfiyyətli yenisi ilə əvəzlənəcək. Həmçinin paltardəyişmə otaqlarına «əl gəzdiriləcək», tribunalarda yeni oturacaqlar quraşdırılacaq.
Daxili İşlər Nazirliyinin təmsilçisi olan «Dinamo» bu işləri daxili imkanları hesabına həyata keçirəcək. Ondan sonra klub tam şəkildə
Xırdalan şəhərində yerləşəcək. Həm əsas, həm də aşağı yaş qrupları üzrə komandalar burada məşq edəcək, çempionat oyunlarını keçirəcək.
SPORTİNFO.AZ
