“Energetik”in bazasında formalaşdırılmasına başlanan “Mingəçevir”in Müşahidə Şurası yaradılıb.
Sportinfo.az bu haqda məlumatı AFFA-dan əldə edib.
Redaksiyamıza verilən informasiyaya görə, klubun təşkilatati məsələləri ilə məşğul olmaq Rövşən Əhmədova tapşırılıb.
Hazırda hakim-inspektor olaraq Premyer Liqaya təyinat alan sabiq hakim şuranın sədri kimi fəaliyyət göstərəcək.
O, burada yer almağa namizəd şəxslərin adlarını artıq AFFA-ya təqdim edib. Siyahıda bir iş adamı və dövlət qurumunun təmsilçisi də yer alıb.