Voleybol üzrə Azərbaycan milli komandalarının Türkiyənin Konya şəhərində keçiriləcək 5-ci İslam Həmrəyliyi Oyunlarındakı matçlarının təqvimi açıqlanıb.
Sportinfo.az xəbər verir ki, B qrupunda qüvvəsini sınayacaq qadınlardan ibarət yığma ilk görüşündə Seneqalla qarşılaşacaq.
Görüş oyunların rəsmi açılışından 1 gün əvvələ – avqustun 8-nə təsadüf edəcək.
Kişi voleybolçulardan ibarət kollektiv isə avqustun 9-da meydana çıxacaq. A qrupunda yer alan yığma Sudanı sınağa çəkəcək.
İslamiada 9-18 avqust aralığında keçiriləcək.
İslam Həmrəyliyi Oyunları
Qadınlar, B qrupu
8 avqust
17:00. Seneqal – Azərbaycan
10 avqust
14:00. Əfqanıstan – Azərbaycan
12 avqust
14:00. Kamerun – Azərbaycan
Kişilər, A qrupu
9 avqust
11:00. Sudan – Azərbaycan
11 avqust
20:00. Azərbaycan – Kamerun
13 avqust
17:00. Azərbaycan – Mərakeş
