Türkiyənin gənclər və idman naziri Mehmet Muharrem Kasapoğlu ölkəsinin yığmasıyla bağlı proqnozunu açıqlayıb.
Sportinfo.az xəbər verir ki, o, komandadan Avro-2020-nin final mərhələsində həlledici qarşılaşmaya vəsiqə gözlədiyini deyib:
“Milli komandamızın “Avro-2020″nin seçmə mərhələsində zəfəriylə iddiamız artdı. Mən millimizin final raundunda Azərbaycan xalqının dəstəyilə qrup səddini keçəcəyinə, hətta “Uembli”də final oynayacağına inanıram.
Bizim üzərimizə düşən bu yolda millətimizə hərtərəfli kömək etməkdir. Hamımız milli komandaya sahib çıxmalı, uğurların davamı üçün bütün varlığımızı sərf etməliyik”.
