"Qalatasaray" "Leyptsiq"in sol cinah müdafiəçisi Marselo Saraççini heyətinə qatmağa hazırlaşır.
Sportinfo.az xəbər verir ki, İstanbul təmsilçisi 21 yaşlı futbolçunu 1,5 illik icarəyə götürür. Tərəflərin anlaşdığı və transferin yaxın günlərdə rəsmiləşəcəyi bildirilir.
Saraççinin gəlişindən sonra "sarı-qırmızılar"ın yaponiyalı müdafiəçi Yuto Naqatomo ilə yolları ayıracağı gözlənilir. "Leyptsiq" uruqvaylı futbolçunu 2018-ci ildə "River Pleyt"dən 12 milyon avroya transfer etmişdi.
