Yaxınlarda "Antalyaspor"dan ayrılan Bülənt Korkmaz Bakıya son səfəri zamanı bəzi yerli futbol adamlarıyla görüşüb. Onlardan biri də Məqsəd Yaqubəliyevdir.
Sportinfo.az-ın məlumatına görə, türkiyəli mütəxəssis vaxtilə "Bakı"da çalışarkən tanış olduğu Yaqubəliyevlə bir yerdə işləmək perspektivini müzakirə edib.
O. Super Liqa klublarından təklif aldığı zaman belə bir variantı dəyərləndirmək istədiyini bildirib. Yaqubəliyev hazırda "Keşlə"də fəaliyyət göstərir. Bakı klubunun uşaq futbol akademiyasında koordinator vəzifəsini tutur.
