“Fatih Karagümrük” baş məşqçi Cüneyt Dumlupınarı istefaya göndərib. Sportinfo.az xəbər verir ki, bu barədə TFF 1-ci liqa klubunun rəsmi saytı məlumat yayıb.
Klub rəhbərliyi onunla müqaviləyə qarşılıqlı razılıq əsasında xitam verib. Ayrılığın səbəbi açıqlanmır. Amma klubun yaydığı məlumata görə, Dumlupınar kluba başqa formada kömək edəcək.
“Fatih Karagümrük” TFF 1-ci liqanın geridə qalan 7 turunda 12 xal toplayıb və 5-ci pillədə qərarlaşıb. Adıçəkilən komandada Azərbaycan yığmasının sabiq üzvü Toğrul Erat da çıxış edir.