.jpg)
Sərbəst güləş üzrə Azərbaycan millisinin üzvü Hacımurad Hacıyev zədələnib.
Sportinfo. az "qafqazinfo”ya istinadən xəbər verir ki, 74 kq-da mübarizə aparan idmançı Tokio-2020 Yay Olimpiya Oyunlarına vəsiqə qazansa da, Yaponiyaya gedə bilməyəcək.
Hacıyev güləş millisinin Göygöldə məşqləri zamanı zədələnib və müalicə olunsa da, sağalmayıb.
Olimpiadaya vəsiqə qazanan idmançının məşqlər zamanı ciddi xəsarət almasının səbəbi isə açıqlanmayıb.
Azərbaycan Güləş Federasiyası Beynəlxalq Olimpiya Komitəsinə müraciət göndərərək zədələnmiş Hacıyevin Turan Bayramovla əvəzlənməsinə icazə verilməsini xahiş edib.
Hacımurad Hacıyevin Olimpiadaya getməyəcəyi bir müddət öncədən bəlli olsa da, Azərbaycan Güləş Federasiyası bunu təkzib edirdi.
Federasiya 74 kq-da yarışacaq idmançını zədəli vəziyyətdə Tokioya aparmaq niyyətində olsa da, vəziyyətinin ağırlığı buna imkan verməyib.
.jpg)
