"Qəbələ" qış fasiləsində heyətini gücləndirəcək.
Bu barədə Sportinfo.az-a açıqlamasında əyalət təmsilçisinin meneceri Zaur Əzizov deyib. Klub rəsmisi 1 və ya 2 futbolçu transfer edəcəklərini bildirib:
"Bilirik, "transfer pəncərəsi"nin bağlanmasına elə də çox vaxt qalmayıb. Bu yöndə işlərimizi davam etdiririk. 1 və ya 2 yeni futbolçu almaq istəyirik. Yaxın günlərdə bütün suallara aydınlıq gələcək".
Qış fasiləsində hələlik Davit Volkovla yollarını ayıran "Qəbələ" əvəzində "Sumqayıt"dan öz yetirməsi Ehtiram Şahverdiyevi alıb.