“Qarabağ”a vurulan gözəl qol hələ uzun müddət danışılacaq - VİDEO+FOTOREPORTAJ

12 Fevral 00:30 Qarabağ 565
“Qarabağ”a vurulan gözəl qol hələ uzun müddət danışılacaq - VİDEO+FOTOREPORTAJ

Azərbaycan Premyer Liqasında XXII tura start verilib.

Sportinfo.az xəbər verir ki, lider “Qarabağ” turun ən diqqətçəkən matçında “Sabah”ı qəbul edib.

Maraqlıdır ki, bol qollu alınan qarşılaşmada 6 qolun ilk 4-ü penaltidən vurulub. 31-ci dəqiqədə meydan sahiblərindən Marko Yankoviç hesabı açıb.

Ancaq birinci hissəyə əlavə olunmuş birinci dəqiqədə İshak Belfodil qapıçı ilə dueldən qalib ayrılıb. Fransalı hücumçu 54-cü dəqiqədə dubla imza atıb.

Lakin ev sahibləri 10 dəqiqə sonra hesaba tarazlıq gətiriblər. Bu dəfə təyin olunan onbirmetrlik zərbəni çempionatın bombardiri Olavio Juninyo dəqiq yerinə yetirib.

90+5-ci dəqiqədə qonaqlar Tellur Mütəllimovun uzaq məsafədən qarşısıalınmaz zərbəsi sayəsində yenidən önə keçiblər.

Buna baxmayaraq, qələbə hesabını qorumaq mümkün olmayıb.

Son dəqiqələrdə bir neçə epizodda komandasını qoldan xilas edən Yusif İmanov 90+7-ci dəqiqədə Yassin Benzianın zərbəsindən sonra üstünə gələn top qarşısında aciz qalıb.

Qolkiperin kobud səhvi sayəsində “Sabah” qələbəni əldən verib.

Beləliklə, görüş 3:3 hesabı ilə yekunlaşıb. Bu nəticədən sonra “Qarabağ” xallarının sayını 51-ə çatdırıb. 5-ci pillədəki “Sabah”ın isə 28 xalı var.

Digər Xəbərlər
Xəbər Lenti
23 Fevral 17:50 Çək və bizə göndər!
23 Fevral 13:40 Tanrının ikinci qolu...