Kosovonun “Lapi” klubunda çıxış edən Araz Abdullayev növbəti dəfə diqqət mərkəzinə düşüb.
Sportinfo.az xəbər verir ki, Azərbaycan millisinin sabiq üzvü Azərbaycan Premyer Liqasının 9-cu turunda keçrilən “Neftçi” - “Qarabağ” matçından sonra (0:2) Ağdam təmsilçisinin “Instagram” səhifəsinə şərh yazıb. 31 yaşlı futbolçu 2 ürək smaylı yerləşdirib.
Onun bu addımı “Neftçi” azarkeşlərinin xoşuna gəlməyib. Rəyin altından ““Neftçi”nin çörəyi sənə haram
olsun!” rəyi yazılıb.
Adətən azarkeşlərlə yaşadığı qalmaqallarla gündəmə gələn Araz bu dəfə fərqli addım atıb. O, diplomatik cavab verməyə çalışıb. “2 ürək, yəni hər iki komanda da ürəkdir” – deyə vinger bildirib.
“Neftçi”nin yetirməsi olan Araz 2016-cı ilə kimi “ağ-qaralar”ın formasını geyinib. Abullayev 2018-2020-ci illər aralığında isə “Qarabağ”da çıxış edib.
