“Biz daha çox qol vurmalıyıq və bunun üzərində işləməliyik”.
Bu sözləri Sportinfo.az-a açıqlamasında “Neftçi”nin müdafiəçisi Mark Tamaş deyib.
“Kəpəz”, “Araz-Naxçıvan”, “Sumqayıt” kimi rəqiblər oyunu müdafiədən qurur deyə, onların qapısına yol tapmaq çətindir.
“Qarabağ” açıq futbol oynayır, amma “ağ-qaralar” bu komandaya da qol vura bilmir. Tərəflər arasında mövsümün ilk derbisi “köhlən atlılar”ın 2:0 hesablı qələbəsi ilə başa çatdı.
Problemin kökünü harada axtarmaq lazımdır? Macarıstanlı legioneri dinləyək:
“Premyer Liqanın 9 turunda 7 dəfə fərqlənmişik. Bu, bizim üçün yaxşı göstərici deyil.
Hansısa qarşılaşmada 2-3 dəfə fərqlənib “şeytanın qıçını qırsaq”, davamı gələcək”.
