Ötən mövsüm "Neftçi"ni baş məşqçisi olmuş Laurentsiu Regekampfın yeni iş yerində qazancı bilinib.
"Əl-Tai"dən gələn təklifi dəyərləndirən rumıniyalı çalışdırıcı Səudiyyə Ərəbistanında 1 milyon avro əldə edəcək.
Yerli klub birillik müqaviləyə imza atan mütəxəssisin köməkçilərinə də 500 min avro ödəməyi lazım bilib.
Yüksək liqada qüvvəsini sınayan "Əl-Tai" 9 tura 7 xal toplayıb və turnir cədvəlinin 16-cı pilləsində məskunlaşıb.
Regenin qarşısına komandanı elitada saxlamaq vəzifəsi qoyulub. O, bu məqsədin öhdəsindən gələrsə, daha 300 min avro bonus alacaq.
Ötənr ilin iyununda «Neftçi» ilə anlaşmış Rege 2 illik müqaviləyə imza atsa da, onunla anlaşmaya vaxtından əvvəl xitam verilib.
Müqaviləsi birtərəfli qaydada pozulan şərqi avropalı daha sonra ölkəsinə qayıdıb və "Universitetya Krayova"da işə başlayıb.
"Əl-Tai" onu görəvə gətirə bilmək üçün "Universitetya Krayova"ya 300 min avro təzminat ödəyib.
SPORTİNFO.AZ
