"Rapid"in sahibi Dan Şuçu Adrian Mutunun komandadan ayrılaraq "Neftçi"yə baş məşqçi təyin olunması haqda danışıb.
Sportinfo.az xəbər verir ki, o, "Fanatik"ə açıqlamasında Mutunun "Neftçi"dən 5-6 qat daha yüksək məvacib təklifi aldığı üçün "Rapid"də qalmadığını bildirib:
"Xəyanət haqda danışmaq asandır, amma yüksək iqtisadi təzyiqi və beş-altı dəfədən çox maaş təklifi alırsa, çətindir.
Mutunu saxlamaq üçün danışıqlar apara bilərdim, ancaq maaş fərqi böyük idi".
2022/2023 mövsümündə "Rapid"i çalışdıran Mutu bu ilin iyul ayında "Neftçi"nin baş məşqçisi təyin olunub.
