Latviyanın yüksək liqasında 31-ci turun oyunları keçirilib.
Aərbaycanlı futbolçu Ramin Nəsirlinin şərəfini qoruduğu “Dauqavpils” doğma meydanda “Metta”nı qəbul edib.
Oyun qonaqların ərazi üstünlüyü şəraitində başlayıb və ilk hissə 2:1 “Metta”nın xeyrinə başa çatıb.
Hesabda yenik duruma düşən “Dauqavpils”in baş məşqçisi ikinci yarının startında Ramini "döyüş"ə atıb. Həmyerlimizin oyuna qoşulmasından sonra komandası 18 dəqiqəyə 3 top vuraraq, 4:2 hesabı ilə qələbə qazanıb.
“Neftçi”nin yetirməsi sonuncu qolun ötürməsini verməklə alqış qazanıb.
Bu ilin martından icarə əsasında “Dauqavpils”in formasını geyinən 22 yaşlı yarımmüdafiəçi geridə qalan müddətdə 31 oyunda şans qazanmaqla 2 qol vurub, 3 assist edib.
Raminin komandası topladığı 32 xalla 10 komanda arasında 7-ci pillədə yer alıb.
HƏBİB / SPORTİNFO.AZ
