“Ümumiyyətlə, Azərbaycan çempionatında eyni gücə malik 4-5 komanda var“.
Sportinfo.az xəbər verir ki, bu sözlər “Neftçi“nin müdafiəçisi Mark Tamaşa aiddir.
Bu mövsümdən “ağ-qaralar“a qoşulan macarıstanlı legioner çempionatımız barədə Rumıniya mediasına açıqlama verib:
“Qaydalara görə ən azı dörd azərbaycanlı oyunçu meydanda olmalıdır. Premyer Liqanın VI turunda “Araz-Naxçıvan”a 0:1 hesabı ilə məğlub olduğumuz qarşılaşmanı buraxmağım bununla əlaqədardır.
Müxtəlif zədələrə görə bu dəfə qaydaya əməl etməyin yeganə yolu mənim kənarda qalmağım idi.
Azərbaycanda əksər komandalar qapalı müdafiə olunur və əks-hücumlardan qol vurmağa çalışır”.
