“Neftçi” Premyer Liqanın 8-ci turunda qarşılaşacağı “Turan Tovuz”la matçın hazırlığını davam etdirir.
Sportinfo.az klubun rəsmi saytına istinadən xəbər verir ki, komanda bu gün “Neftçi” Futbol Mərkəzində növbəti məşqə çıxıb.
Hazırlıq prosesi əsasən toplu və taktiki çalışmalardan ibarət olub. Bu gün Tovuza yola düşəcək “ağ-qaralar” oyunöncəsi son məşqi sabah Tovuz şəhər stadionunda keçəcək.
Sentyabrın 30-da Tovuz şəhər stadionunda keçiriləcək “Turan Tovuz” – “Neftçi” matçı saat 16:00-da başlayacaq.
