FİFA Neftçi” ilə bağlı yeni qərar çıxarıb.
Dünya futbol qurumu Bakı klubunu keçmiş legionerinə görə cərimələyib.
«Ağ-qaralar»dan şikayətçi düşən kim olsa, yaxşıdır? Buyurun, Tiaqo Bezerra!
2021-ci ilin sentyabrında Azərbaycana gəlmiş brazilyalı hücumçu 2022-ci ilin iyununadək burada qalıb. Cənubi amerikalı bu müddətdə 25 oyuna çıxıb, 10 qol vurub və bununla, "Neftçi"nin bombardiri olub.
Ölkəmizdən ayrılandan sonra Səudiyyə Ərəbistanına yollanan 36 yaşlı «sambaçı» "Əl-Aruba"ya keçib.
300 min dollar qarşılığında ölkəmizdə çıxış etmiş Bezerranın şikayəti müqavilə şərtləri ilə bağlıdır. O, «Neftçi»nin üzərinə götürdüyü öhdəlikləri yarımçıq yerinə yetirdiyini FİFA-nın diqqətinə çatdırıb.
Quruma göndərdiyi məktubda əməkhaqqı və mükafatlarını tam almadığını qeyd edib. Araşdırma aparan FİFA adıçəkilən legionerin iddiasının qismən təmin olunmasına dair qərar çıxarıb.
SPORTİNFO.AZ
