KONKAKAF Millətlər Liqasında növbəti turun oyunları keçirilib.
“Neftçi”nin aparıcı futbolçularından olan Kilian Lebon da sözügedən turnirdə meydana çıxıb.
San-Martin millisində debüt edən cinah yarımmüdafiəçisi sentyabrın 8-də Anqoliya ilə baş tutan görüşdə start heyətində meydana çıxıb və 60-cı dəqiqədə əvəzlənib
. Komandasının 6:0 hesabı ilə qalib gəldiyi matçda Lebon ən fəallardan olub ki, vurulan qolların 3-də yaxından iştirak edib.
Sentyabrın 12-də Bonayre seçməsi ilə dueldə Kilan yenə “11-lik”də görünüb. San-Martin millisi 67-ci dəqiqədə hesabda geri düşsə də, sonradan vurulan qollar hesabına 2:1 hesabı ilə qalib gəlib.
“Neftçi”lilərin sevimlisi 49-cu dəqiqədə sarı vərəqə almaqla yanaşı, bərabərlik qolunda pay sahibi olub.
A qrupunda yer alan San-Martin yığması topladığı 6 xalla qrup lideridir.
26 yaşlı futbolçu sabah Bakıya qayıdıb, “ağ-qaralar”ın “Araz-Naxçıvan”la oyununun hazırlıqlarına qoşulacaq.
HƏBİB / SPORTİNFO.AZ
