“Neftçi”nin yeni transferi Lukas Melano bu gün Azərbaycana gəlib.
Argentinalı hücumçu tibbi baxışdan keçəndən sonra 1+1 illik müqaviləyə imza atacaq.
«Ağ-qaralar» transfer müqabilində “Sarmiento”ya təzminat ödəyib. Buenos-Ayres komandası 30 yaşlı forvardla sözləşməyə xitam verməyin qarşılığında 50 min dollar qazanc əldə edib.
Halbuki qarşı tərəf danışıqların ilkin mərhələsində 200 min dollara yaxın pul istəyib. Azərbaycana can atan Melano «Neftçi» naminə fədakarlıq göstərib. “Sarmiento”nun ona olan maaş borcundan keçib.
O, daha öncə yerli “Nyuells Old Boyz” (2022), “Sentral Kordoba” (2021), “San-Lorenso de Almaqro” (2021), “Atletiko Tukuman” (2019-2021), “Estudiantes” (2017-2018), “Lanus” (2013-2015), “Belqrano” (2011-2013, 2017), həmçinin Çilinin “Universidad Katolika” (2022) və ABŞ-nin “Portlend Timbers” (2015-2019) klublarında çıxış edib.
2013-cü ildə “Lanus”la Sudamerikana kubokunun, 2015-ci ildə isə “Portlend Timbers”lə MLS kubokunun qalibi olub. 2013-cü ildə Argentinanın U-20 milli komandasının heyətində 3 oyun keçirib, 1 qol vurub.
SPORTİNFO.AZ
