Sabir Buqrinin yeni klubu müəyyənləşib.
Mərakeşli hücumameyilli yarımmüdafiəçi karyerasını ölkəsində davam etdirəcək.
27 yaşlı vinger "Raya Kasablanka"ya keçib.
Buqrin yeni klubu ilə 2025-ci ilin yayına kimi nəzərdə tutulan müqavilə imzalayıb. O, "Raya Kasablanka"da 34 nömrəli forma ilə çıxış edəcək.
Sabir 2020-ci ilin yayından 2022-ci ilin yanvar ayınadək "Neftçi"də çıxış edib. 2022-ci ilin yanvarında "ağ-qaralar"dan "Esperans"a (Tunis) keçmiçdi.
Orta sahə oyunçusu buradan qalmaqalla ayrılıb. Tunis təmsilçisi üzərinə götürdüyü maliyyə öhdəliklərini yerinə yetirməyib, onun bir neçə aylıq maaşını verməyib.
Odur ki, Buqrin FİFA-ya şikayət edib və azad agent statusu ilə "Raya Kasablanka"ya yollanıb. Sabiq «Neftçi»linin vətənində aylıq qazancı 22 min dollar təşkil edəcək.
Halbuki o, yenidən ağ-qara formanı geynmək üçün bakılılardan illik 500 min avro tələb edirdi. «Neftçi» isə ona bu məbləğin yarısını təklif elədiyindən, qayıdış baş tutmayıb.
SPORTİNFO.AZ
