"Ferentsvaroş" bu dəfə "Neftçi"dən futbolçu transfer etmək qərarına gəlib.
Ötən mövsüm "Qarabağ"dan Ovusu Kvabenanı komandaya cəlb edən Macarıstan çempionunun transfer siyahısında yer alan futbolçu Kilan Lebondur.
Sportinfo.az xəbər verir ki, sportal.az-a verilən məlumata görə, Budapeşt təmsilçisi "Neftçi"nin legionerini mövsümün əvvəlindən bu yana izləyir.
"Ferentsvaroş" 26 yaşlı futbolçu üçün qışda "Neftçi"yə rəsmi təklif göndərməyi hazırlaşır.
Sent Martin milli komandasının üzvü 2023-cü ilin yanvarında "Astana"dan “Neftçi”yə keçmişdi.
Onun müqaviləsi 2024-cü il iyunun 30-da başa çatır. Amma klub onunla müqavilə müddətini bir illik artıra bilər.
