AFFA-nın icraçı vitse-prezidenti Sərxan Hacıyev “CBC Sport”da verdiyi açıqlama ilə diqqət çəkib.
Sportinfo.az xəbər verir ki, federasiya rəsmisi bundan sonra milliyə böyük məbləğdə bonuslar ödənilməyəcəyini bildirib:
“Hazırda komandaya böyük məbləğdə bonuslar verilmir. Qısa olaraq onu deyim ki, belə bonusların verilməsi də nəzərdə tutulmayıb”.
Azərbaycan millisi ötən illərdə uğursuzluqlara baxmayaraq, böyük məbləğdə mükafatlar almasına görə tənqid edilirdi.
Hətta məğlub olduğu bəzi oyunlarda da komanda mükafat alıb. Bu, əsasən Rövnəq Abdullayevin AFFA prezidenti postunu tutduğu illərdə baş verib.
