“Biz yaxşı oynaya bilərik, oynayırıq da”.
Sportinfo.az xəbər verir ki, bu sözləri millimizin yarımmüdafiəçisi Aleksey İsayev deyib.
Komandamız Millətlər Liqasında məğlubiyyətləri sıralayır. Fernandu Santuşun çalışdırdığı kollektiv ardıcıl dördüncü yenilgini Slovakiyadan aldı – 1:3.
Bu nəticə ilə C Liqasının I qrupunda sonuncuyuq. 29 yaşlı futbolçu vəziyyətin utancverici olduğunu etiraf edib:
“Slovakiyaya qarşı ikinci hissənin ilk 20 dəqiqəsində çox yaxşı çıxış etdik. Birinci hissədə də pressinq tətbiq edir, rəqibi səhvə yol verməyə məcbur edirdik.
Qol vurmaq üçün də imkanlar oldu. Toral ilk şansında fərqlənə bilməsə də, az sonra qol vurdu...
Məğlubiyyətlər bizi çox məyus edir. Ölkə, azarkeşlər qarşısında bu vəziyyət utancvericidir”.
.jpg)
.jpg)
.jpg)
