COP29

"Mənim üçün çempionluq daha vacibdir" - Azərbaycan yığmasının qapıçısı

29 May 02:30 Milli komanda 479
"Mənim üçün çempionluq daha vacibdir" - Azərbaycan yığmasının qapıçısı

"İnanıram ki, Avropa çempionatında hamıdan güclü biz olacağıq".

Sportinfo.az xəbər verir ki, bunu Azərbaycanın minifutbol yığmasının qapıçısı Davud Kərimi deyib.

O, Avropa çempionatında nəticə qazanmaq üçün hər cür şərait yaradıldığını söyləyib:

“Ab-hava çox yaxşıdır, mehriban komandayıq. Yarışa nə üçün getdiyimizi bilirik.

Çox ciddi hazırlaşırıq. Avropa çempionatında nəticə qazanmaq üçün bizə lazımi şərait yaradılıb”.

D.Kərimi əsas rəqiblərin adlarını açıqlayıb:

“Qrupdakı rəqibləri tanıyırıq. Fransa və İtaliyanı görmüşük. Avropa çempionatında əsas rəqiblərimizdən biri Rumıniyadır.

Baş məşqçimiz Elşad Quliyev rəqibləri təhlil edir. Komandalarda çox dəyişikliklər var. Məsələn, ötən ilə baxanda Slovakiya çox güclənib.

Avropa Minifutbol Federasiyasının prezidenti də slovakiyalıdır. O, futbola çox önəm verir.

Onlar artıq peşəkar mərhələdədirlər və Avropa çempionatına yaxşı hazırlaşırlar. Fikrimiz ancaq oyunlara yönəlib.

Azərbaycandan başqa, favorit Rumıniya, Slovakiya və Çexiyadır. Bolqarıstan da yaxşı komandadır”.

Son Avropa çempionatında ən yaxşı qapıçı mükafatına layiq görülən D.Kərimi komandanın çempionluğu qazanmasının daha önəmli olduğunu vurğulayıb:

“Elşad müəllim nə qədər etimad göstərsə, çalışacağam ki, yenidən Avropada ən yaxşı qapıçı seçilim.

Amma mənim üçün çempionluq daha vacibdir. Mən fərdi mükafatı qazanmayım, ancaq birlikdə çempion olaq”.

Azərbaycan millisi iyunun 1-dən 8-nə kimi Bosniya və Herseqovinanın paytaxtı Sarayevoda keçiriləcək Avropa çempionatının F qrupunda Fransa, İtaliya və Belçika ilə qarşılaşacaq.

Digər Xəbərlər
Xəbər Lenti