.jpg)
Şenol Günəşin Azərbaycan millisinin başına keçəcəyinə dair xəbərlər Türkiyə mediasında geniş müzakirə olunmaqdadır.
“Türkiye Gazetesi”ndə bu informasiyanı tirajlayan Ferhat Kızıltaş "yutub“ kanalında açıqlama verib.
O, təcrübəli mütəxəssisin karyerasını bitirməyi düşünmədiyini və daha bir neçə il çalışmaq istədiyini bildirib:
“Günəş pensiyaya çıxmaq barədə düşünmür. O, daha 3-4 il meydanın kənarında qalmaq niyyətindədir.
Bunu yaxın çevrəsindən eşitmişəm. Bildiyim qədəri ilə AFFA yaxın günlərdə Şenol Günəşlə təmasa keçəcək. Təcrübəli mütəxəssis də bu təklifə müsbət yanaşır”.
Ferhat Kızıltaş Sportinfo.az-da bununla bağlı gedən xəbərə də diqqət göstərib. Tanınmış yazar şəxsi profilində saytımızın manşetini paylaşıb.
