Bu siyahıda Qurban Qurbanovun adı var, amma…

Azərbaycan millisi tarixinin 17-ci baş məşqçisi olan Canni De Byazi ilə ötən gün yollar ayrılıb.

Sportinfo.az xəbər verir ki, “report”un araşdırmasına görə, italiyalı yığmanın “sükanı arxasında" olan 6-cı əcnəbi kimi yadda qalacaq.

Növbəti baş məşqçi milli tarixinin ya 12-ci yerli, ya da 7-ci əcnəbi çalışdırıcısı olacaq.

Canni De Byazi yığmamızı ən çox meydana çıxaran ikinci mütəxəssisdir. O, yalnız almaniyalı Berti Foqtsdan geri qalır. Milli 2008-2014-cü illərdə almaniyalının rəhbərliyi altında 71 qarşılaşmada iştirak edib.

Nəticə baxımından isə italiyalı faiz etibarilə milli tarixinin 5-ci uğurlu məşqçisidir. Komanda onun başçılığı altında keçirdiyi 39 matçda 10 qələbə və 8 heç-heçəyə imza atıb.

Bu, mümkün 117 xaldan 38-i deməkdir. Yəni millimiz De Byazi ilə orta hesabla hər qarşılaşmada 0,32 xal toplayıb.

Bu mənada ən uğurlu baş məşqçi Ələkbər Məmmədov olub. Düzdür, millimiz onun rəhbərliyi altında cəmi 4 görüşdə meydana çıxıb.

Həmin qarşılaşmalardan 3-də qələbə qazanan futbolçular 1 dəfə rəqiblə bərabərə qalıblar. Yəni Ələkbər Məmmədovun rəhbərliyi altında orta hesabla hər oyunda 0,83 faiz xal qazanılıb.

Yer	Məşqçi	O	Q	H	M	T/F	X	Faiz
1	Ələkbər Məmmədov	4	3	1	0	9-5	10	0,83
2	Qurban Qurbanov	12	4	5	3	14-12	17	0,47
3	Robert Prosineçki	23	6	6	11	22-37	24	0,35
4	Şahin Diniyev	20	4	7	9	12-36	19	0,32
5	Canni De Byazi	39	10	8	21	34-56	38	0,32
6	Kazbek Tuayev	13	3	3	7	8-19	12	0,31
7	Berti Foqts	71	15	22	34	56-104	67	0,31
8	Vaqif Sadıqov	33	7	9	17	22-48	30	0,30
9	Karlos Alberto Torres	18	2	6	10	12-36	12	0,22
10	Əsgər Abdullayev	13	1	4	8	8-24	7	0,18
11	İqor Ponomaryov	15	2	2	11	8-24	8	0,18
12	Nikola Yurçeviç	10	1	2	7	8-20	5	0,17
13	Əhməd Ələsgərov	9	1	1	7	9-28	4	0,15
14	Qyoko Haciyevski	3	0	1	2	1-3	1	0,11
15	Mahmud Qurbanov	1	0	0	1	0-1	0	0
16	Nazim Süleymanov	1	0	0	1	0-1	0	0
17	Ağasəlim Mircavadov	9	0	0	9	3-29	0	0