“Nyukasl”ın hücumçusu Azərbaycan millisi haqda bu sözləri işlətdi

30 Mart 2023 13:20 Milli komanda 1 406
“Nyukasl”ın hücumçusu Azərbaycan millisi haqda bu sözləri işlətdi

“Azərbaycan millisi üzərində qələbə gözlənilən idi”.

Sportinfo.az xəbər verir ki, bunu İsveç yığmasının futbolçusu Aleksandr İsak Azərbaycan millisini 5:0 hesabı ilə məğlub etdikləri AVRO-2024-ün seçmə mərhələ oyunu ilə bağlı danışarkən deyib.

“Nyukasl”ın hücumçusu qrupda ilk xalları qazanmağın vacibliyindən bəhs edib. 23 yaşlı forvard bunun klub karyerasına da müsbət təsir göstərəcəyini düşünür:

“Belçikaya məğlubiyyətdən (0:3) sonra komandanın özünəinamı qaytarması baxımından Azərbaycan üzərində vacib qələbə qazandıq.

Qol vurmaq üçün bir neçə şansım oldu. Fikrimcə, daha yaxşısını edə bilərdim.

İstənilən halda, hamımız klubumuza yüksək əhvali-ruhiyyədə qoşulduq. Qarşıdakı oyunlarda bunun təsirini hiss edəcəyik”.

Aleksandr İsak Azərbaycan yığması ilə qarşılaşmada 70 dəqiqə meydanda olsa da, qol vura bilməyib.

Digər Xəbərlər
Xəbər Lenti