Avstriyanın hücumçusu Mixael Qreqoriç AVRO-2024-ün seçmə mərhələsinin F qrupunun açılış oyununda Lintsdə Azərbaycan yığması üzərində qazandıqları qələbəni (4:1) şərh edib.
Sportinfo.az xəbər verir ki, 29 yaşlı forvard layiqli qələbə qazandıqlarını söyləyib:
"Rəqibimizdən güclü idik. Oyunu da böyük üstünlüklə oynadıq. Azərbaycan üzərində layiqli qələbə qazandıq.
Birdən çox qol vura bilərdim. Ancaq bir neçə yaxşı şansı əldən verdim. Amma istənilən halda, komandama qələbə qazanmasında kömək etdiyim üçün şadam”.
Avstriyanın 4:1 hesablı qələbəsi ilə başa çatan görüşdə Qreqoriç komandasının ikinci qolunu vurub.

