Luis Suares mövsümün sonunda “Atletiko”nu tərk edə bilər.
Sportinfo.az xəbər verir ki, uruqvaylı hücumçunun müqaviləsi yayda başa çatır.
34 yaşlı oyunçu artıq bir neçə klubdan təklif alıb.
Məlumata görə, Braziliyanın “Korintians” və ABŞ-ın “Mayami İnter” klubları onun xidmətində maraqlıdır. ABŞ klubu Suaresə 2 illik müqavilə təklif edir.
Suares cari mövsümdə “Atletiko”nun heyətində bütün turnirlərdə 24 oyun keçirib, 8 qol vurub, 2 qol ötürməsi edib.
