.jpg)
"Qarabağ"ın Çempionlar Liqasının 3-cü təsnifat mərhələsindəki rəqibi "Lüdoqorets" Bolqarıstan çempionatında 3-cü tur oyununa çıxıb.
Sportinfo.az xəbər verir ki, komanda Azərbaycan millisinin müdafiəçisi Cəlal Hüseynovun formasını geyindiyi "Arda"nı qəbul edib.
Matç meydan sahiblərinin 5:1 hesablı qələbəsi ilə başa çatıb.
C.Hüseynov sözügedən görüşdə 90 dəqiqə meydanda olub və 37-ci dəqiqədə sarı vərəqə ilə cəzalandırılıb.
"Lüdoqorets" 2 oyundan 6 xalla 3-cü, "Arda" 3 matçdan 3 xalla 8-ci pillədə qərarlaşıb.
"Lüdoqorets" - "Arda" 5:1
Qollar: Son, 8 (1:0), Duah, 44 (2:0), Kruz, 47 (3:0), Delev, 57 (4:0), Son, 73 (5:0), Eboa, 88 (5:1)
