.jpg)
“Neftçi”nin sabiq baş məşqçisi Füzuli Məmmədov Konfrans Liqasında iştirak edəcək “Qarabağ”, “Sumqayıt” və “Keşlə”nin hazırkı durumunu dəyərləndirib.
“Pro” kateqoriyalı kurslara qatılan mütəxəssis Sportinfo.az-a açıqlamasında bunları deyib:
“Qarabağ” oturuşmuş komandadır və əksər futbolçularının böyük avrokuboklar təcrübəsi var. Mən Qurban Qurbanovun təcrübəsinə də çox güvənirəm.
Məncə, onlar üzümüzə gələn mövsüm özünü çox rahat hiss edəcək. “Sumqayıt”la “Keşlə”nin baş məşqçilərinı yaxşı tanıyıram.
Son vaxtlar hər iki komandanın heyətində müəyyən dəyişiklər olub. İnanıram ki, istər Ayxan Abbasov, istərsə də Sənan Qurbanov heyəti gücləndirə biliblər. Onlardan Konfrans Liqasında yaxşı oyun və qələbələr gözləyirəm”.
Azərbaycan təmsilçiləri Konfrans Liqasının II təsnifat mərhələsindən etibarən mübarizəyə qoşulacaq. "Sumqayıt" Serbiyadan "Çukariçki", "Keşlə" Rusiyadan "Soçi" ilə üz-üzə gələcək. Hər iki komanda ilk oyunlarını səfərdə keçirəcək.
"Qarabağ" isə İsraildən "Aşdod" ilə üz-üzə gələcək.Ağdam təmsilçisi ilk oyununu evdə keçirəcək
Konfrans Liqasında II təsnifat mərhələsinin ilk oyunları iyulun 22-də, cavab görüşləri isə bir həftə sonra olacaq.
