"Qarabağ"a qarşı matçda diqqətli olmaq lazımdır".

Sportinfo.az xəbər verir ki, bunu "Napoli"nin baş məşqçisi Antonio Konte empionlar Liasının Liqa mərhələsində "Qarabağ"a qarşı keçirəcəkləri matçdan əvvəl deyib.

Mütəxəssis "Qarabağ"ı turnirin sürpriz komandası adlandırıb:

"Sabahkı oyun "Napoli" üçün Çempionlar Liqasında vacib və həlledicidir. "Atalanta" üzərində qələbə bizə yaxşı cavablar verdi.

"Qarabağ"a qarşı diqqətli olmaq lazımdır. Oyunun 95 dəqiqə davam etdiyini nəzərə alaraq qiymətləndirmələr aparacam.

Biz düzgün enerji ilə gəlirik. Düşünürəm ki, şənbə günü baş tutan oyun yaxşı cavablar verdi.

"Atalanta"ya qarşı asan deyildi, lakin əla çıxış etdik. İndi enerjimizi bərpa edib oyuna hazırlaşırıq.

"Qarabağ"ın Çempionlar Liqasının sürpriz komandası olduğunu düşünürəm: 7 xalı var, "Çelsi" ilə heç-heçə (2:2) edib. "Benfika" və "Kopenhagen"i isə məğlub edib.

"Qarabağ" yüksək tempdə oynayacaq. Biz çox diqqətlə və yüksək enerji ilə çıxış etməliyik".

Konte start heyəti ilə bağlı sualı da cavablandırıb:

"Start heyətində kimlərin olacağı ilə bağlı qiymətləndirmələr aparacağıq. Çünki nəticədən asılı olaraq ehtiyat oyunçularımız arasında dəyişikliklər etmək lazım gələcək.

Uşaqlar çalışır və inkişaf edirlər, yaşadığımız itkiləri nəzərə alsaq, bu vacibdir. Yeni gələnlərin inkişaf etməməsi məhdudlaşdırıcı olardı.

"Atalanta"ya qarşı görüşə 5 yeni oyunçu ilə başladıq, sonra Elmas meydana daxil oldu. İş, hazırlıq və taktika kimi nəzarət edə bildiyim vəziyyətlər var.

Sadəcə, bəzi oyunçuların əlçatanlığı kimi digər vəziyyətlərə nəzarət edə bilmirəm. Amma mübarizə aparmağa hazırıq".

"Napoli" - "Qarabağ" matçı noyabrın 25-də "Stadio Diego Armando Maradona" stadionunda, saat 00:00-da start götürəcək.