Avropa kuboklarında təsnifat mərhələləri yekunlaşdıqdan sonra UEFA əmsallar reytinqini yeniləyib.
Sportinfo.az xəbər verir ki, klubların reytinqində Azərbaycan təmsilçilərindən “Qarabağ” mövsümün əvvəli ilə müqayisədə 12 pilləyə irəliləyərək 69-cu yerdən 57-ci pilləyə yüksəlib.
Bu nəticə ilə onlar Azərbaycan klubları arasında birincidir.
Son 5 mövsümün yekunlarına əsasən hazırlanan siyahıda Azərbaycan klublarının mövqeyi aşağıda qeyd edilən kimidir:
57. “Qarabağ”
224. “Neftçi”
233. “Sabah”
252. “Zirə”
307. “Araz Naxçıvan”
308. “Sumqayıt”
309. “Qəbələ”
310. “Şamaxı”
Klubların reytinqinə “Real” Madrid başçılıq edir (123,500 əmsal).
Milli assosiasiyaların siyahısında isə Azərbaycan 26-cı yerdədir (21,000 əmsal). Ölkəmizon ən yaxın izləyicisi olan 27-ci yerdəki Sloveniya 20,718 əmsala malikdir.
Bu siyahıda isə reytinqə İngiltərə (95,005) başçılıq edir.
