Azərbaycan klubuna şans vermədilər - FOTOLAR

7 İyul 2022 02:50 Qəbələ 1 095
Azərbaycan klubuna şans vermədilər - FOTOLAR

2022-2023-cü illər mövsümünün hazırlığını davam etdirən “Qəbələ” ilk yoxlama oyununu keçirib.

Sportinfo.az xəbər verir ki, Türkiyənin Bolu şəhərində təlim-məşq toplanışında olan “qırmızı-qaralar” “Qaziantep”lə qarşılaşıb.

Baş məşqçi Elmar Baxşıyev Superliqa təmsilçisi ilə matçda aşağıdakı start “11-liy”inə şans verib:

Səlahət Ağayev, Asif Məmmədov, Murad Musayev, Ruan Renato, İlkin Qırtımov, Məqsəd İsayev, İsnik Alimi, Felipe Santos, Rafael Utziq, Rövlan Muradov, Emil Səfərov.

Qarşılıqlı hücumlarla keçən görüş erkən qolla başlayıb. Türkiyə klubu 7-ci dəqiqədə Papi Cilobocinin qolu ilə önə keçib.

Oyunun fasiləsində hər iki komandanın heyətində dəyişikliklər olub. İkinci hissənin ortalarında superliqa klubu Aleksandr Maksimin qolu ilə fərqi artırıb.

Az sonra "Qəbələ" fərqlənib. Meydana sonradan çıxan Ülvi İsgəndərov baxımlı qola imza atıb. Görüşün sonunadək komandalar hücumlarını davam etdirsə də, hesab dəyişməyib - 1:2.

Xatırladaq ki, qonşu ölkədə 2 matça çıxacaq “Qəbələ” iyulun 12-də Rumıniyanın “Çiksereda” klubu ilə qarşılaşacaq.

“Qəbələ” – “Qaziantep” 1:2

Qollar: Ülvi İsgəndərov, 69-pen // Papi Ciloboci, 7, Aleksandr Maksim, 67

Digər Xəbərlər
Xəbər Lenti