“Həqiqətən gələcək barədə düşünməmişəm - Azərbaycanda qalacam, yoxsa Braziliyaya qayıdacam”.
Bu sözləri Sportinfo.az-a açıqlamasında “Qarabağ”ın yarımmüdafiəçisi Riçard Almeyda deyib.
İlk dəfə 2012-ci ildə ölkəmizə gələn, bu müddətdə üç dəfə “Qarabağ”dan ayrılan və geri qayıədan braziliyalı maraqlı etireaf edib.
O, “qızların Manuella ilə Valentinanın həyatı Azərbaycana bağlıdır və hazırda Bakıda təhsil alırlar. Nəvaxtsa Braziliyaya qayıtmaq, səncə, onlara necə təsir edər” sualına cavabında bunları söyləyib:
“Tək qızlarım yox, həyat yoldaşım və mənə anam qədər doğma olan qaynanam da uzun illərdir Bakıda yaşayırlar.
Onlar bura öyrəşiblər, dostlar qazanıblar, şəhərdə özlərinə rahatlıq tapırlar. Qismətimizdə nə yazılıbsa, o da olacaq.
Amma bir şeyi mütləq qeyd edim, ailəm və özüm Azərbaycanda çox xoşbəxtik”.
