“Qarabağ”dan ayrılaraq Braziliyanın “Flamenqo”ya keçən Juninyonun həyat yoldaşı Vivian Azərbaycana və Ağdam klubuna təşəkkür edib.
Sportinfo.az xəbər verir ki, o, bu barədə instaqram hesabında paylaşım edib.
“Bizi qarşıladığınız və günlərimizi xoşbəxt etdiyiniz üçün təşəkkür edirik. Gözəl hekayə idi.
Sonsuz minnətdarıq. “Qarabağ”, inanılmazsan. Dünyadakı bütün uğurları bu kluba arzulayıram”, - deyə o bildirib.
“Qarabağ” Juninyonun keçidindən 5 milyon avro qazanc əldə edəcək. O, Ağdam təmsilçisinin heyətində 80 oyunda 42 qol və 4 məhsuldar ötürmə ilə yadda qalıb.
