“Neftçi”nin macarıstanlı müdafiəçi Mark Tamaş Sportinfo.az-a müsahibə verib.
- “Kəpəz”ə məğlubiyyəti ağlından keçirirdin?
- Xeyr, qətiyyən! Bura qələbə üçün gəlmişdik. Lakin işlərimiz planlaşdırdığımız kimi getmədi. Get-gedə oyun sürətini artırmalıyıq. Çünki, qarşıda bizi “Beşiktaş” kimi rəqiblə ağır oyunlar gözləyir. Yaxşıya doğru irəliləmək üçün nələrisə dəyişməliyik.
- Qələbə qazanmağınıza nə mane oldu?
- Məsələn, buraxdığımız qolda mən ötürmədə səhvə yol verdim. Və həmin səhv penaltiyə gətirib çıxardı. Bu cür səhvlərə yol verməməliyik. Bununla yanaşı, qol vurmağı bacarmalıyıq. Qol vurmasaq, qələbə də olmayacaq.
- Üç gündənbir oyuna çıxırsınız. Yorğunluq var?
- Fiziki cəhətdən problem yaşadığımızı düşünmürəm. Hər şey qaydasındadır. Sadəcə, bir az uyğunlaşma problemini yoluna qoymalıyıq, baş məşqçinin bizdən istədiklərini həyata keçirməliyik.
- “Kəpəz”ə yenilgidən sonra Adrian Mutu paltardəyişmə otağında sizə nə dedi?
- Hər kəs kimi, o da çox əsəbi idi. Hələ ki, heç nə deməyib. Əsəblər bir az soyusun, komanda şəklində bir araya gəlib səhvlərimizə nəzər salacağıq.
HƏBİB
.jpg)
