“Əlimizdə olan “silahlar“la mübarizə apardıq“.
Sportinfo.az xəbər verir ki, bunu “Neftçi”nin baş məşqçisi Adrian Mutu deyib.
Rumıniyalı çalışdırıcı Konfrans Liqasında mübarizəni üçüncü mərhələdə dayandırmalarını şərh edib.
“Beşiktaş“a məğlubiyyətdən danışan mütəxəssis bəzi futbolçuların zədəli olmasına baxmayaraq, yaxşı mübarizə apardıqlarını düşünür:
“Strategiyaya nəzər yetirsək, gücümüzdən səmərəli istifadə etdik. “Beşiktaş”ın ehtiyatında 12, bizim isə 5 futbolçumuz var idi ki, xidmətindən yararlana bilərdik.
Oyunçu sayı az olmasına baxmayaraq, bura turist kimi gəlmədiyimizi göstərdik”.
