“Universitatya Krayova 1948”in yarımmüdafiəçisi Samuel Asamoanın “Neftçi”nin maraq dairəsində olması təsdiqlənib.
Sportinfo.az xəbər verir ki, bu barədə Rumıniya klubunun baş məşqçisi Nikolae Dika açıqlama verib.
O bildirib ki, hazırda klublar arasında danışıq gedir. Mütəxəssis Toqo millisinin üzvünün hazırda düşərgələrində olduğunu vurğulayıb:
“Asamoa hələlik bizimlə qalır, məşqlərdə 100 faiz gücünü ortaya qoyur. Onunla bağlı heç bir problem yoxdur,
fikrini oyunlarımıza cəmləyib. Buradan ayrılıb-ayrılmayacağı hələ bəlli deyil.
Rəhbərliyin “Neftçi” ilə anlaşıb-anlaşmayacağına tezliklə aydınlıq gələcək”.
29 yaşlı orta sahə oyunçusu 2021-ci ildən “Universitatya Krayova 1948”in formasını geyinir.
