Çempionlar Liqaısnın 2-ci təsnifat mərhələsi çərçivəsində keçirilən “Rakuv” – “Qarabağ” oyunundan (3:2) sonra sosial şəbəkələrdə maraqlı paylaşımlar və rəylər yazılıb.
Sportinfo.az xəbər verir ki, komandanın qapıçısı Şahruddin Məhəmmədəliyevin növbəti dəfə kobud səhvə yol verməsi Ağdam təmsilçisinin azarkeşlərini qəzəbləndirib.
Fanatlar müxtəlif yolla ona etiraz ediblər.
“Qarabağ” azarkeşlərindən biri isə fərqli addım atıb. O, “Neftçi”nin prezidentinə müraciət edib.
“Ağ-qaralar”ın sosial şəbəkə hesabında klubun yeni rəhbəri ilə bağlı edilən paylaşıma şərh yazan fanat “Başqan, “Qarabağ”da Şahruddin oynayı. Onu alın”, – deyə yazıb.
Qeyd edək ki, “Rakuv” – “Qarabağ” matçı meydan sahiblərinin 3:2 hesablı qələbəsi ilə başa çatıb. Bu komandalar arasında cavab görüşü avqustun 2-i saat 20:00-da baş tutacaq.
