Mateus Saldaniyanı "Partizan"a satan "Neftçi" hücum xəttinə alternativ tapıb.
Bu barədə Sportinfo.az-a paytaxt klubundan məlumat verilib.
Redaksiyamıza bildirilib ki, son olaraq "Ərzurumspor"da forma geyinmiş Aaron Olanare ilə anlaşma əldə olunub.
2021-ci ildən burada çıxış edən forvardla 2 illik müqavilə imzalanacaq.
Nigeriya millisinin sabiq üzvü Türkiyə klubunun heyətində son mövsümdə meydana çıxdığı 23 rəsmi matçda 4 qol və 2 məhsuldar ötürmə ilə yadda qalıb.
Bakılılar hazırda sənədləşmə problemini həll etməyə çalışır. Ona viza açılması üçün müvafiq dövlət qurumlarına sorğu göndərilib.
