"Neftçi" bu gün Konfrans Liqasının 2023/2024 mövsümündə mübarizəyə başlayacaq.
Bakı təmsilçisi turnirdəki ilk matçına Bosniya və Herseqovinada çıxacaq.
Rəqib ölkənin titullu klublarından "Jelezniçar" olacaq.
“Qrbavitsa” stadionundakı oyunun start fiti Bakı vaxtı ilə saat 23:00-da veriləcək. Görüşdə ədaləti estoniyalı Yuri Frişer qoruyacaq.
İlk matçı Sarayevoda oynamağı üstünlük hesab edə bilərik? “Ağ-qaralar“ın baş məşqçisi Adrian Mutu Sportinfo.az-ın sualına belə cavab verib:
“Məncə, bunun ciddi fərqi yoxdur. İstənilən halda oyunlardan biri Bosniyada, digəri Azərbaycanda keçiriləcək.
Sadəcə, tarixlər fərqlidir. Səfərdən yaxşı nəticə ilə qayıdıb, Bakıda - doğma meydanımızda dolu tribunalar önündə azarkeşlərlə birlikdə mərhələ adlamağın sevincini yaşamaq istəyirik“.
