"Neftçi"nin yollarını ayırdığı Solomon Kverkveliya karyerasını Səudiyyə Ərəbistanında davam etdirəcək.
Gürcü legioner "Əl-Ohdud"la anlaşıb.
31 yaşlı müdafiəçi iki illik müqaviləyə qol çəkib.
Gürcüstan millisinin üzvü 2022-ci il iyulun 4-də "ağ-qaralar"la 2 illik müqavilə imzalamışdı. Paytaxt təmsilçisi onunla sözləşmənin qarşılıqlı razılıq əsasında ləğv olunduğunu açıqlayıb.
“Neftçi”də 42 rəsmi matçda meydana çıxan və 2 qola imza atan arxa xətt oyunçusu Ərəbistan yarımadasında bir qədər də varlanacaq.
Öncəki illərdə Rusiyada «Lokomotiv» də daxil, bir çox klubun şərəfini qorumuş Solomon qarşıdakı 2 ildə üst-üstə 700 min avro qazanacaq.
O, Səudiyyə Ərəbistanının aşağı liqasında meydana çıxacağı hər oyuna görə əlavə olaraq 10 min avro əldə edəcək.
SPORTİNFO.AZ
