Turan Vəlizadəyə Xorvatiyadan təklif gəlib.
Adıçəkilən ölkənin "Varazdin" klubu 22 yaşlı yarımmüdafiəçinin xidmətində maraqlı olub.
Amma tərəflər arasında anlaşma baş tutmayıb.
Xorvatiya təmsilçisinin təklif etdiyi şərtlər futbolçumuzu qane etməyincə danışıqlar dayandırılıb.
Turan başa çatan sezon "Turan"da icarədə olub. O, bölgə klubunda meydana çıxdığı 30 matçda 1 qolla yadda qalıb.
Orta sahə oyunçusu müqavilə ilə "Neftçi"yə məxsusdur.
XANOĞLAN / SPORTİNFO.AZ
