Bugündən «Netfçi»də rəsmən Adrian Mutu dönəmi başladı.
Bakılı rəsmilər rumıniyalı ilə 2 illik müqavilə bağladı.
Bu təyinat «ağ-qaralar»a havayı başa gəlməyib. 44 yaşlı mütəxəssisin Azərbaycanda çalışması üçün «Rapid»ə təzminat ödənilib.
Buxarest təmsilçisi 200 min avroluq razılıq əsasında Mutu ilə kontrakta xitam verib.
O, ötən ildən Rumıniyanın paytaxt klubunda işləyirdi və sözləşməsi 2025-ci ilə qədər qüvvədə idi.
Adrian Mutu “Voluntari” (Rumıniya, 2018), “Əl Vəhdə” U-21 (BƏƏ, 2018-2019), Rumıniya U-21 milli komandası (2020-2021), “Universitatya Krayova” (Rumıniya, 2021) və “Rapid”in (Buxarest, Rumıniya, 2022-2023) baş məşqçisi olub.
UEFA-nın PRO kateqoriyalı məşqçilik lisenziyasına malikdir.
SPORTİNFO.AZ
