«Rapid»in baş məşqçi postundan ayrılan Adrian Mutunun «Neftçi»yə gəlməsi Rumıniya mətbuatında ciddi rezonans doğurub.
Bu ölkənin KİV-i Sportinfo.az saytının yaydığı xəbəri böyük maraq və həvəslə tirajlamaqdadır.
Gsp.ro, sport.ro və digisport.ro kimi bir çox aparıcı onlayn mətbu orqanlar saytımızın açıqladığı informasiyanı paylaşıb.
Xüsusilə qeyd olunub ki, məlumatın mənbəyi «Sportinfo TV»nin aparıcı-eksperti Elçin Cəfərovdur.
Tanınmış telejurnalistin bu təyinatla bağlı fikirlərinə ayrıca yer verilib, ondan sitatlar gətirilib.
